8/4/2026
ازاي تعرف انك راجل ثري وعندك كنوز الدنيا
لأن الست عنصرها الماء والثروة وسر الوفرة في بيتك
لو مراتك بتعمل كده امسك فيها كويس لأنها كنز
ولو انتي بتعملي كده يبقى تعرفي انك سر سعادته، وشوفي هو عارف وواخد باله ومقدرك ولا إزاي بيتعامل مع ثروته
أولاً في النوم، لما تلزقي فيه وقت النوم وتحطي دماغك في حضنه وكأنه بيتك وأمانك، وكأنك بتحطي ختم على جسمه علشان يفضل فاكرك حتى وهو صاحي.
نفس الإحساس لما الراجل يمسك محفظته ويعد أمواله ويعطرها كل يوم. هو بيعمل إيه لما بتكوني في حضنه بيحس بيكي إزاي لما تخرجي وتجري تمسكي إيده وخايفة تسيبها، زي الطفل اللي ماسك إيد أمه وحاسس إن الدنيا ملكه.
هو بيمسك المحفظة طول الوقت، يا ترى لما بتمسكي إيده هو بيكون رد فعله إيه؟ صوابعه بتقولك بحبك ومهتم بيكي رغم وجود الناس، نفس مشاعره وهو ماسك محفظته وهو منتبه كده ليها.
لما تروحي تاخدي حاجة من هدومه وتلبسيها، ولا حتى عطره ومشطته، أي حاجة منه انتي بتقولي له أنا وانت واحد، وبحس بالاحتواء والستر من حاجاتك.
وطول الوقت عينك عليه، شوفي هو بيعمل إيه لما طول الوقت عينه على محفظته وموبايله، يا ترى بيفرح لما تستخدمي حاجاته؟
لما تقربي منه وتشمي ريحته وتاخدي من نفسه الحياة، وهو بقى عينه بتروح لمحفظته، يا ترى نفس نظرته ليكي لما عينه بتكون عليكي
لما يتكلم تسيبي اللي في إيدك لأنه اتكلم وتنتبهي له، هو بيبص ليكي إزاي.. يا ترى نفس البصة لما يكون بيدور على محفظته ويلاقيها ويبتسم راجعي تصرفاتكم مع بعض وشوفي ثروتك الحقيقية، اهتموا ببعض زي اهتمامكم بالمال، في ثروات في البيت هي سر ثراء أموالك.
علشان تستفاد من ثروتك في الماء لازم تتعامل معها صح، علشان لا تهدر المال ولا يروح منك.
الربيع فرصة لاهتمامك بثروتك💵