ولأن الأيام قربت …واحلي الأيام على وصول 🥳
لازم نستقبل الضيف الغالي بشويه تجهيزات تليق بيه
والأول لازم تعرفوا حاجه مهمه
عام الحصان الناري بيعشق الحركه والتغير والسرعه 🐎
انت ممكن تحول النار لنور لو تابعت ونفذت النصايح معايا
يالا نبدأ نستعد ونجهز 😃
⭐ البيت …تنضيف شامل …الاستغناء عن كل ما يعيق الطاقه الجديده …ترميم وتصليح كل ما هو يحتاج تصليح في البيت ومش عايز انه يتكرر معك طوال العام
⭐ جسمك …لان جسمك هيلاحظ حركه الحصان هذا العام …أتعلم تعمل تمدد لجسمك ..لازم تتحرك ولو بالمشي وياريت لو تمشي بسرعه …الحركه بركه
مرن جسمك علي الحركه من الان
⭐ روحك… حاول تتعلم ازاي تتنفس ..تسكت وقت الغضب … فكر قبل اي قرار ..امسك لسانك
وافتكر ان لسانك حصانك ان صنته صانك
⭐ نفسك …. حاول تدلعها وتطبطب عليها باي كلمه حلوه وقول لنفسك الجاي احسن بكتير واللي فات كان دروس وأنك ممتن لكل شخص وتجربه دخلت حياتك علمك وألمك لانه زود وعيك وعلمك ان نفسك لازم تعيش ليها وبس
اقطع العلاقات اللي زعلتك وكانت سبب زعلك وكانت مش ظهر وسند ليك
استغني عنهم زي ما استغنوا عنك !
أتعلم تهتم بصحتك واعمل اي روتين صحي بسيط خفيف وكأنك بتصالح نفسك الحلوه
🪄افتكر رساله الطاقه ليك في عام الحصان الناري
مستحيل تفتح اي بوابه للنجاح والسعاده وفي الطريق فوضى تعيق طاقتك من الانطلاق في الحياه
افرح وارقص واضحك لان #السعادةقرار
